Gioanin, Gioanin va pian
che la vita a l’é ‘ncor nen comincià
a l’é longa, a l’é dura la stra
venta fela pòch për volta e rasonà …-
A-j disìa sò papà tuti ij di
Gioanin a l’avìa quindes ani o giù da lì
a-j disìa soa mama parèj
Gioanin a l’avìa tuti ij cavèj nèir
E j’ani, tanti ani a son passà
da tant a son mòrt soa mama e sò papà
ma na vos a sent ancora da lontan
Gioanin, Gioanin va pian …
Gioanin a l’ha tuti ij cavèj bianch
a l’ha n’euj ch’a-j piora e a pend tut an s’un fianch
e mach adess chiel as n’ancòrz d’avèj brusà
tut ant na vòlta, sensa penseje, tuta la stra
Gioanin a fà për frené, la corsa a veul aresté
ma a l’é già rivà ‘n fond…e a va a sbate
… a l’é finì ‘l mond
Gioanin adess a l’é ferm
a l’é là … a lo mangio ij verm
da viv a l’ha tant corù
ma gnente a l’ha godù
E ti masnà ch’it ancamin-e toa stra
ten-la da ment sta pòvra stòria ch’it l’has ëscotà
fà nen ‘dcò ti ‘l gadan
Gioanin, Gioanin va pian …