Chi ch’i soma – Chi siamo

Arte Ci Pare a l’é na neuva associassion ch’a l’ha coma but col ëd vardé a la coltura dël Piemont con në sguard neuv, an mantenend naturalment soe rèis bin fongà ant ël terèn ëd na tradission lenghistica milenaria. Com’a l’avrìa dit Pierangelo Bertoli con un piede nel passato e lo sguardo dritto e aperto nel futuro. Tut sòn përchè ch’i pensoma ch’a sia ora ‘d cambié lë stereotip ëd na lenga che ant l’an-maginari coletiv a ven sempre mach vista sota n’òttica da strapais e ch’a buta an mostra mach ëd përsonagi con an man un botjon ëd barbera pogià su ‘d na tovaja rigorosament a quadron. Noi i l’oma la fortun-a d’avèj tra ij nòsti fondator d’esponent ch’a gavran facilement da costa imàgine costa vërnis con ij sò travaj, an creandne un-a neuva, moderna e rafinà e sensa dubit mirà a cambié le opinion comun-e. Donca neuva mùsica d’àutor con Isa e ij Trelilu, ël respir intërnassional ëd le interpretassion brassensian-e ‘d Giovanni Ruffino e dij lìber ëd Giovanni Bonavia ch’an pòrta soa esperiensa ‘d tradutor lusitan e grecista al Parlament Europengh. L’art contemporanea dla galerìa d’art d’Alessandro Allocco. Ël teatro ‘d Claudio Marcone e ‘l misteri dla Turin noir ëd Guido Cosso. E peui naturalment la continuità ant la modernità mersì a le poesìe ‘d Franco Marmello e ‘d Michele Bonavero e a la coltura enciclopedica d’Alberto Masino su tut lòn ch’a rësguarda le danse e le mùsiche popolar ch’a integro l’entusiasm dël pì giovo dij nòsti mèmber, Tazio Brusasco, ch’an regala soa esperiensa ‘d professor a contat con ij giovo e cola d’organizator ëd vijà. Na mës-cia d’esperiensa e ‘d gioventù unìa a l’enorm entusiasm ëd tuti noi. E tut sòn mach për parlé ‘d noi ch’i l’oma avù costa idea dròla e ‘n pòch fòla! A l’é inutil dì che i saroma pì che content ëd duverté ij brass për dé ‘l bin ëvnù a tuti coj ch’a l’avran gòj d’unisse a noi! Ël 2019 a sarà l’ani ‘d lans. Speroma che ij motor ch’a son an camin a scàudesse an pòrto an àut! Noi i-i chërdoma. E voi? Paulin Siròt

Arte Ci Pare è una nuova associazione che si propone come obiettivo quello di guardare alla cultura del Piemonte con uno sguardo nuovo, mantenendo naturalmente le radici ben piantate nel terreno di una tradizione linguistica millenaria. Come avrebbe detto Pierangelo Bertoli, con un piede nel passato e lo sguardo dritto e aperto nel futuro. Questo perché riteniamo sia ora di cambiare lo stereotipo di una lingua che nell’immaginario collettivo viene sempre vista sotto un’ottica da strapaese e che raffigura solo personaggi con in mano un bottiglione di barbera appoggiata su una tovaglia rigorosamente a quadroni. Abbiamo la fortuna di avere tra i nostri fondatori esponenti che sverniceranno facilmente con i loro lavori questa immagine, creandone una nuova moderna, raffinata e senza dubbio volta a cambiare le opinioni comuni. Dunque nuova musica d’autore con Isa e i Trelilu, il respiro internazionale delle interpretazioni brassensiane di Giovanni Ruffino e dei libri di Giovanni Bonavia che porta la sua esperienza di traduttore lusitano e grecista al Parlamento Europeo. L’arte contemporanea della galleria di Alessandro Allocco. Il teatro di Claudio Marcone e il mistero della Torino noir di Guido Cosso. E poi naturalmente la continuità nella modernità grazie alla poesia di Franco Marmello e di Michele Bonavero e alla cultura enciclopedica di Alberto Masino su tutto cosa sono le danze e le musiche popolari che integrano l’entusiasmo del più giovane dei nostri membri Tazio Brusasco che ci regala la sua esperienza di professore a contatto con i giovani e quella di organizzatore di eventi. Un mix di esperienza e di gioventù unita dall’enorme entusiasmo di tutti. E tutto questo solo per parlare di noi che abbiamo avuto questa idea strana e un po’ folle! È inutile dire che saremo felicissimi di allargare le braccia per dare il benvenuto a tutti quelli che vorranno unirsi a noi! Il 2019 sarà il nostro anno di lancio. Speriamo sia che i motori che si stanno scaldando ci portino in alto! Noi ci crediamo! E voi? Paulin Siròt