Presentassion – Presentazione

Bondi cerea a tuti. Valà che ‘dcò ‘l sit a ‘ncamin-a dossman a anandiesse. A l’avrà damanca d’un pòch ëd temp për fosoné com’as deuv, ma coma për ij cit ël prim pass a l’é fàit e speroma ch’a sia mach ël prim ëd tanti e tanti d’àutri. Belessì i trovereve tut lòn ch’a rësguarda Arte Ci Pare. chi i soma, chi a partessipa, lòn ch’i faroma e tut lòn ch’a podrà/dovrà serve për informeve an sle neuve dl’associassion. A mi am piasërìa tant che ‘d noi as rivèissa a dì lòn ch’as disìa ‘d coj che, a la fin dël ‘700 a ‘mbrassavo le ideje dla Rivolussion Fransèisa visadì ch’a-i ero coj ëd la sman-a ch’a-i ven! Valà. Arte Ci Pare a l’ha pròpi veuja ‘d dventé l’associassion piemontèisa con le ideje dla sman-a ch’a-i ven, visadì sempre na frisa pì anans ëd tuti j’àutri. S’i riussiroma a sarà ‘dcò merit ëd j’amis ch’a l’avran veuja ‘d viagé con noi an costa neuva aventura. E alora anlassé le senture: i partoma! Paulin Siròt

Saluti a tutti. Ecco che anche il sito inizia dolcemente ad incamminarsi. Avrà naturalmente bisogno di un po’ di tempo per funzionare come si deve, ma, come per i bambini, il primo passo è fatto e speriamo che sia solo il primo di tanti e tanti altri. Qui troverete tutto ciò che concerne Arte Ci Pare: chi siamo, chi partecipa, cosa faremo e tutto ciò che potrà/dovrà servire per darvi le ultime notizie dell’associazione. A me piacerebbe tanto che di noi si arrivasse a dire cosa si diceva di coloro che alla fine del ‘700, avevano abbracciato le idee della Rivoluzione Francese e cioè che erano quelli della settimana prossima! Ecco. Arte Ci Pare ha proprio voglia di diventare l’associazione piemontesista con le idee della settimana prossima, vale a dire sempre un pelino più avanti degli altri. Se riusciremo sarà anche merito degli amici che avranno voglia di viaggiare con noi in questa nuova avventura. E allora allacciate le cinture: si parte! Paulin Siròt