ËL TRUCH A-I É

La P.B.A. (Prodotti di Bellezza Associati)

a l’avìa comissioname na canson

ch’a dovìa reclamizé ij cosmetici e i vari attrezzi, attrezzini

che le dòne a deuvro për rangesse (… për le feste!).

Mi i l’hai fala, i son preparame bin

i son presentame e i l’hai fàila sente.

I l’oma tut për le fumele

giovo veje brute bèle,

ancaminand da j’onge finte

a lë smalt an quindes tinte

l’acetòne për gavelo

se nò i peule anche ciucelo,

cilia finte, sote e dzora

l’ideal për quand as piora

eyeliner, rimmel e ombrèt

e l’euj a smija un gabinèt.

Mila tipo ‘d penelin,

spassolon e ramassetin

e matite color mon

nèir ëscur maròn bleu pom,

le pinsëtte rancapluch

a son essenziali për ël truch,

ma ‘d sigur a van pi bin

le nòste falciatrici da giardin.

Uehi e l’acqua di colònia

distilà da l’acqua ‘d fògna,

i l’oma ‘l latte detergente

e, ant ël caso a fèissa gnente,

carta a veder e dal muso

ëd sigur a spariss la ruso;

la carta a veder a fà mal?

i l’oma le sbrus-ce da caval,

tòle ‘d minio, i ciamo scùsa

fondotinta color bùsa.

I l’oma la cipria e ‘l rossèt

n’acìd ch’a fulmina ij porèt,

quanti profum, ròba da mat,

dos amèr salà e fat;

n’afé për fé le meches d’argent

un collirio ch’a fà vnì j’euj lusènt,

un deodorante spray

ch’a massa le cimes e a spussa d’aj.

Quante creme! Idratante,

emolliente stimolante,

astringente al cetriolo,

depilante al vetriolo,

rassodante e nutriente

për la pupa un pò cadente;

s’i veule fela gonfié an pressa

bombolëtte d’aria compressa;

fé mach atenssion a la pression:

un e quat, un e sinch, a son già dij bej balon.

E la cerëtta o, come as dis,

eh, eh, eh, eh, rancabarbis;

lacca spray “Sta fermo lì”

e ij cavej as bogio pì,

a basta mach sprussene un vel

e la piega a l’é a preuva ‘d martel

se ‘n rissolin it veule sposté

la fiama ossìdrica a bzogna dovré.

Finalment la soluzione finale

al problema dle fumele

la P.B.A. a l’ha trovala

care amise av la regala:

a l’é un bagn dë s-ciuma ëd nòm “Schiumòrich”,

cioè essenza d’acìd solfòrich;

a basta un bagn con col afé lì

e ‘l problema dlla blëssa i l’avreve mai pì.

Slogan

Anche s’it ses un rass-cet da pissor

coi nòstri prodòt t’ësmije un bel fior.

Na canson così simpatica i l’avìa mai fala; ma sti stassi dla P.B.A. a l’han nen acetala.

5 risposte a “ËL TRUCH A-I É”

  1. Grazie mille! Erano anni che stavo cercando di recuperare il testo di questo simpaticissimo “spot” pubblicitario ante litteram.
    Sarei felice di trovare anche una traccia audio originale.

    1. Buonasera Lorenzo. Prima di tutto grazie per i complimenti che fanno sempre piacere… Sono Paulin Siròt, fondatore e presidente di Arte Ci Pare. Le manderò il file audio, tratto dai cd usciti nel 1999 e di cui sono stato responsabile delle produzioni per la Libreria Piemontese. via mail, ben volentieri. Grazie ancora e a presto!

  2. buongiorno,
    per la mia mamma quasi 90enne, sto cercando i CD relativi ai primi tre album di Roberto Balocco “Le cansson dla piola”.
    Navigo invano nel web da giorni; mi aiutereste nella ricerca?
    Grazie e saluti.

  3. 10 anni di ricerca ed eccola qua!
    Meraviglioso ricordo di infanzia, sarebbe bellissimo trovare anche l’audio!
    Bravissimi, ottimo lavoro, portare nel mondo digitale questo bellissimi brani Piemontesi è una meravigliosa idea per non dimenticare!
    Complimenti ottimo lavoro!

Lascia un commento

Il tuo indirizzo email non sarà pubblicato. I campi obbligatori sono contrassegnati *