A l’ha fame buté patanù
a l’ha fame sdrajé ‘ns ël letin
a pansa mòla co ‘l cù arbutù
i fareu fòrse mal un pochetin
mi i vëggava nen cos’am fava
però j’heu subit capì
quand j’heu vist coj guant che as butava
e cola crema ‘nsima a col di
j’heu piantà ‘n bram j’heu mancame ‘l fià
son tnume fòrt a col let
“stia tranquil ër morròidi o j’ha pà
bele si tut a pòst tut përfèt”
Ma che vërgògna! che vërgògna!
mi j’heu mai vergogname parèj!
mai mai mai
J’euj a pioravo
e sentiva brusé
parèj j’avu peu mai tratame
ma a r’é na visita ch’a vanta soporté
però o dis nen com’i son vërgogname
“Si giri e faccia vedere qui – a dime –
sto cosino se ha qualche rogna”
a j’ha ‘mbrincamro con doi dil
e lì iv dis nen che vërgògna
o r’é en post tant delicà
a tirava e a fava ‘dcò ma
a sforgionava da su e da giù
sati nen che a mi o’r’é vnume ‘n pò dur
Ma che vërgògna! che vërgògna!
mi j’heu mai vergogname parèj!
a dime “si metta seduto qua
apra la bocca e dica: Ahhh”
a j’ha beicà ‘dcò ‘ndrinta al còl
se për cas i j’eva ‘n pò anfiama
a j’ha ‘nviscà na cita pila
e con la man a tniva giù ij dent
sati j’heu propi campà via
a j’ava dësmentiasse ‘d gavesse coj guant
quand a j’ha acorgiuss-ne
a j’ha dime “spiacente
sa com’è son sempre di fretta
cose che capitano non fa niente
io pulisco qui, una paletta…” (che strì!)
Ma che vërgògna! che vërgògna!
mi j’heu mai vergogname parèj!
“Lei è sano com’un pesce
si tenga solo nel mangiare
lassi aperto quando esce
e adesso si sbrighi forsa andare”
j’eva talment ësbatu
da tut cos j’eva capitame
i son surtì fòra patanù
j’heu nen vestime j’heu dësmentiame
ant ra sala tuti ch’o spetavo
e apen-a j’han vistme surtì
it j’aveissi vist com’i grignavo
j’eva doi vejòto ch’o divo “toca a mi!” “toca a mi!”…
Pròpi na bruta figura sa visita mi ‘m ra dësmentìj mai pì
i-é ‘ncó coj che quand am vëggo an piassa
o diso “sati chiel là ch’ot diva? o r’é chiel lì!” (che vërgògna!)