Soma partì na matin mi e mè pare,
partì për andé al mercà;
j’oma pijà la cavala ‘nt la stala,
e ‘n si la cavala peui soma montà.
Ma propi ‘n si la via
j’eva un che o passava da lì,
l’ha dit «Varda che bela famija,
sa pòvra cavala a la fan sfinì!»
J’heu dije «Papà (papà papà),
foma bruta figura (papà papà papà);
papà (papà papà),
podoma nen andé (papà papà papà).
Mi calo giù dla cavala
e im na vado un pòch a pé,
mi calo giù dla cavala
parèj la gent a peul pì nen parlé.»
Papà (papà) papà (papà) papà papà papà.
N’àutr cretin ch’o passava ‘nt la via
l’ha vardà come j’evo piassà,
l’ha dit fòrt «Ma varda che pare:
ës fieul a l’é maltratà:
chiel a sta ‘n si la cavala,
e ‘l fieul a lo manda a pé;
lo trata come në schiavo
e chiel as fà, as fà porté!»
J’heu dije «Papà (papà papà),
foma bruta figura (papà papà papà);
papà (papà papà),
podoma nen andé (papà papà papà).
Mi monto ‘n si la cavala
e ti ‘t na vade ‘n pòch a pé;
mi monto ‘n si la cavala,
parèj la gent peul pì nen parlé.»
Papà (papà) papà (papà) papà papà papà.
Na madamin, vista la sena,
a j’ha mòrtificame mi
«Si fieuj, che gròss problema,
mi sai nen andoa ’ndoma finì:
ël pare ch’a l’é ansian
a dev caminé,
e l’àutr ch’a l’é ‘n fagnan
an si la cavala as fà porté!»
J’heu dije «Papà (papà papà),
foma bruta figura (papà papà papà);
papà (papà papà),
podoma nen andé (papà papà papà).
Caloma giù dla cavala
e ’ndoma tuti doi a pé;
caloma giù dla cavala,
parèj la gent a peul pì nen parlé.»
Papà (papà) papà (papà) papà papà papà.
Ma ‘n matòt sëtà ‘n si na banca
A l’ha dine «Ma i sèj cretin?
j’hai pàu che chila a së stanca
ch’i va a pé i-j camini davsin?
Ò fòrse veuli portela
a fé ’n bel gir al mercà,
l’hai pàu ‘d rovinela,
steje davsin e nen da sëtà!»
J’heu dije «Papà (papà papà),
qualsiasi manera (papà papà papà),
la gent (papà papà)
treuva sempre da dì (papà papà papà).
Sbatims-ne pura le bale
ëd tuti costi si;
monta ‘n si la cavala,
bràv, monta ensema a mi.»
Papà (papà) papà (papà) papà papà papà.