Tomà

Tomà, con sta facia ‘ndoa a va?

ma chi a l’é, e ant ës mond, còsa ch’a fà?

Na facia dròla, j’euj curios, sbarà …

e coj pensè baravantan …

Coj pensé che ‘nt ës cel gris a peulo nen volé … e ‘s perdo

coj pensé che lontan a vorerìo ‘ndé, ma a resto ‘n sël pavè

Tomà, chi a lo sa … doman a ‘ncontra ‘n disch volant

e a monta … con ij sò seugn falì …

-Tomà, dësmentia nen j’amis ch’a resto a tèra

pòrta ‘dcò noi a spass an cel, con ti …-

Ma… con cola facia dròla, Tomà si ch’as na va …

përchè sò seugn baravantan a peul feje con noi, belessì

Tuti ‘n pò bisar e ‘n fond istess a chiel

i sugnoma ‘n mond sensa confin tra la tèra e ‘l cel …

Lascia un commento

Il tuo indirizzo email non sarà pubblicato.