E va-la ij prim doi randevó për l’ani neuv. I ‘ncaminoma ai 28 ëd gené con na bela conferensa ëd nòst espert musical e co-fondator Alberto Masino ch’ an pòrterà a travers na ciaciarada condìa da fòto d’epoca e d’àutre sorprèise a dëscheuvre ij misteri e le curiosità gropà a ‘n classich ëd la mùsica: Ël Valzer delle Candele. E peui, ai 26 ëd fërvé i l’avroma ‘l piasì d’ospité un grup ëd giovo ch’a son an camin a porté anans ël discors ëd la mùsica piemontèisa con un ghëddo tut à fàit neuv e particolar: La Cricca dij Mës-cia ch’a vnirà, compagnà dal giornalista Giancarlo Libert, a presentene ‘l docufilm “Rèis/Raiz Piemontesi d’Argentina” reportage ëd la fiamenga tournèe fàita a otóber 2019 an Argentin-a për ij Piemontèis ëd la Pampa al qual a seghirà l’esibission dal viv. Ël tut ant la nòsta ca turinèisa, visadì cola SOMS De Amicis (Cors Casal, 134 a Turin) che già tante vire a l’ha ospitane. Tute e doe le vijà a saran seguìe, coma sèmper, da le galuperìe cusinà da Giovanni (e chi ch’a l’ha già avù ocasion ëd tasteje a sa lòn ch’i veuj dì!). Për la ciaciarada d’Alberto ‘l contribù a sarà ‘d quindes euro tramentre che për ël docufilm e’l concert ëd La Cricca a sarà ‘d vint. A noi a në smija na bela manera d’ancaminé l’ani neuv. E a voi? I vë spetoma, eh!
Ed ecco i primi due appuntamenti per l’anno nuovo. Iniziamo al 28 gennaio con una bella conferenza del esperto musicale e co-fondatore Alberto Masino che ci porterà attraverso una chiacchierata condita da foto d’epoca e altre sorprese a scoprire i misteri e le curiosità legate a un classico della musica: Il Valzer delle Candele. E poi il 26 febbraio, avremo il piacere di ospitare un gruppo di giovani che stanno portando avanti il discorso della musica piemontese con una verve nuova e particolare: La Cricca dij Mës-cià che verrà, accompagnata dal giornalista Giancarlo Libert, a presentarci il docufilm “Rèis/Raiz Piemontesi d’Argentina” reportage della splendida tournèe fatta a ottobre 2019 in Argentina per i Piemontesi della Pampa al quale seguirà l’esibizione dal vivo. Tutto questo nella nostra casa torinese, cioè quella SOMS De Amicis (Corso Casale 134 a Torino) che già tante volte ci ha ospitati. Entrambe le serate saranno seguite, come sempre, dalle ghiottonerie cucinate da Giovanni (e chi ha già avuto modo di assaggiarle sa di cosa parlo!). Per la chiacchierata di Alberto il contributo sarà di quindici euro mentre che per il docufilm e il concerto della Cricca sarà diventi. A noi sembra un bel modo per iniziare l’anno nuovo. E a voi? Vi aspettiamo, eh!
