E finalment i ancaminoma torna. A la fin ëd cost 2022 ancora così complicà për tanti motiv, Arte Ci Pare a torna a fesse sente e a organizé d’event, an ësperand che la fin ëd l’ani a sia mach ël prinsipi ‘d na neuva vita. I lo soma bin. Fé torna parte quaicòs a l’é motobin pì malfé che felo ancaminé ex novo. Tutun, noi i continuoma a chërde an nòsta atività e i vëddoma nen l’ora ‘d podèj torna fesse sente e vëdde tuti j’amis che an costi ani a l’han seguì nòsta atività. L’ocasion a l’é fiamenga. Prima ‘d tut përchè che finalment i tornoma an nòsta “sconda ca” turinèisa: cola SOMS De Amicis andoa Giorgio, Giovanni e tuta la combricola a l’han sèmper fane sente pì che a nòsta ca. E peui përchè ch’i tornoma a parlé ‘d nòsta tèra con doe publicassion përfondament piemontèise, bele se publicà (onor al merit!) da Edizioni della Sera ch’a l’é roman-a coma ca editris. Piemontesi per sempre e ‘l Taccuino Piemontese a son gropà a fil dopi e a sarà ‘n piasì podèj parlene con nòsta sòcia Loredana Cella ch’a l’ha masentà tuti e doi ij travaj. La presentassion a sarà ‘dcò acompagnà da la froja e la vos dël torototela Ricky Avataneo. Finalment i podoma torné a dilo: i vë spetoma, eh!
E finalmente si ricomincia. Alla fine di questo 20220 ancora così complicato per tanti motivi, Arte Ci Pare ricomincia a farsi sentire ad organizzare eventi, sperando che la fine dell’anno sia solo l’inizio di una nuova vita. Lo sappiamo bene. Far ripartire qualcosa è molto più complicato che farlo iniziare ex novo. Tuttavia noi continuiamo a credere nella nostra attività e non vediamo l’ora di poter di nuovo farci sentire e di vedere tutti gli amici che in questi anni hanno seguito la nostra attività. L’occasione è splendida. Prima di tutto perché torniamo finalmente nella nostra “seconda casa” torinese: quella SOMS De Amicis dove Giorgio, Giovanni e tutta la combriccola ci hanno fatto sempre sentire più che a casa nostra. E poi perché torniamo a parlare della nostra terra con due pubblicazioni profondamente piemontesi anche se edite (onore al merito!) da Edizioni della Sera che come casa editrice è romana: Piemontesi per sempre e il Taccuino Piemontese sono legati a filo doppio e sarà un piacere poterne parlare con la nostra socia Loredana Cella che ha curato tutti e due i lavori. La presentazione sarà accompagnata dalla voce e dalla chitarra del cantastorie Ricky Avataneo. Finalmente possiamo tornare a dirlo: Vi aspettiamo, eh!