Canté j’euv

Soma partì da nòstra ca ch’a l’era prima sèira

për ëvni a canté e soné deve la «bon-a sèira»

son-a, son-a sonador che la padron-a a senta

la padron-a a sentirà e an darà licensa

son-a son-a sonador ch’a l’é la portin-a

la padron-a sentirà ‘s farà pì rissolin-a

son-a son-a sonador ch’a l’é già për la scala

la padron-a a sentirà e as farà pì cara

dene dj’euv doné dj’euv dë le vòstre galin-e

a l’han dit ij vòstri avzin ch’havi le gòrbe pin-e

dene dj’euv doné dj’euv dë la galin-a bianca

a l’han dit ij vòstri avzin ch’a l’é tre di ch’a canta

dene dj’euv doné dj’euv dë la galin-a rossa

a l’han dit ij vòstri avzin ch’a l’é tre di ch’a possa

ch’a në scusa sgnor padron la nòstra impertinensa

soma vnù a canté e soné sensa ciamé licensa

ch’a na scusa sgnor padron s’i soma gioventura

l’oma ‘l sangh ch’a na ribeuj su fin-a a la sëntura

anche andrinta a sta ca-sì a-i é ‘n padron simpatich

a la dane da mangé ‘l pan col companatich

la padron-a a l’ha pagà e noi la ringrassioma

se n’àutr ann i saroma ‘ncora viv e noi ritorneroma

Lascia un commento

Il tuo indirizzo email non sarà pubblicato.