BEN VENI MAGG

Ben ben veni magg – Ben ben veni magg

quand ch’a torna ‘l meis ëd magg

Ò voi padron-a – s’i veule nen chërdi che ‘l magg a sìa rivà

facevi dla finestra – e lo vëdrai piantà

Ben ben…

Guardé la nòstra sposa – com’a l’é bin dobà

a smìa la fior dël persi – quand ch’a l’é botonà

Ben ben…

Guardé la nòstra sposa – che bel vestì ch’a l’ha

chissà chi l’ha compraj-lo – sarà ‘l sò papà

Ben ben…

Guardé la nòstra sposa – che bel anel ch’a l’ha

chissà chi l’ha compraj-lo – sarà ‘l sò an-namorà

Ben ben…

Introma in costa ca – s’a-i é dla brava gent

ciamoma ‘n pò ‘d licensa – s’a son tuti content

Ben ben…

O voi padron-a – s’i veuli paghé

noiàutri soma da viagi – e via dovoma ‘ndé

Ben ben…

O voi padron-a – ch’i l’evi pagà pregoma sant’Antoni – ch’av deja la sanità

Lascia un commento

Il tuo indirizzo email non sarà pubblicato.