26 ëd Fërvé – 26 Febbraio La Cricca Dij Mës-cià

E va-là ‘l prim dij quat randevó che Arte Ci Pare a l’ha an programa tra fërvé e avril. I v’anticipoma gnente për ël moment përchè ch’i voroma nen gavé la sorprèisa a j’amis ch’a ven-o a lese nòst sit. Ma i peuss anticipé ch’a saran quat galuperìe da bërlichesse j’orìe (e nen mach për tuti ij pitansin ch’a pronterà Giovanni!). I ‘ncaminoma con la testimoniansa dla fiamenga tournèe che j’amis ëd La Cricca di Mës-cià a l’han fàit a otóber 2019 an Argentin-a, andoa a l’han portà nòsta lenga e nòsta mùsica gnente meno che ai Piemontèis ëd la Pampa Gringa an des memorabij concert, Ël documentari, antitolà Rèis/Raiz Piemontesi d’Argentin-a a sarà presentà da Giancarlo Libert, giornalista ch’a l’é ‘l massim espert ant lë studi dl’emigrassion piemontèisa ‘nt ël mond. Dòp ëd la proiession, La Cricca a s’esibirà dal viv con sò ghëddo, soa verve e la travolgent simpatia che chi ch’a l’ha avù manera dë vnì a la festa për j’80 ani ‘d Roberto Balocco doi ani fa bin a conòss. E dòp naturalment tuti con la gambe sota la tàula a fè balé le mangiòire e për fé ‘n pòch ëd ribòta tuti ‘nsema. Ël contribù për la vijà (documentari, concert e sin-a) a sarà ‘d 20 euro e iv ciamoma ‘l piasì ‘d prenoté, coma sèmper, al 3470611416 opurament an mandand na mail a info.artecipiemont@gmail.com I vë spetoma,eh!

Ed ecco qui il primo dei quattro appuntamenti che Arte Ci Pare ha in programma tra febbraio ed aprile. Non vi anticipiamo nulla per il momento perché non vigliamo rovinare la sorpresa agli amici che vengono a visitare il nostro sito. Ma posso anticipare che saranno quattro occasioni ghiottissime da leccarsi le orecchie (e non solo per le golosità che ci cucinerà Giovanni!). Iniziamo con la testimonianza della splendida tournèe che gli amici de La Cricca dij Mes-cià hanno fatto a ottobre del 2019 in Argentina, dove hanno portato la nostra lingua e la nostra musica niente meno che ai Piemontesi della Pampa Gringa in dieci memorabili concerti. Il documentario, intitolato Rèis/Raiz Piemontesi d’Argentina sarà presentato da Giancarlo Libert, giornalista che è il massimo esperto nello studio dell’emigrazione piemontese nel mondo. Dopo la proiezione, la Cricca si esibirà dal vivo col suo stile, la sua verve e la travolgente simpatia che chi ha avuto modo di venire alla festa per gli 80 anni di Roberto Balocco ben conosce. Dopo naturalmente tutti con le gambe sotto il tavolo per mangiare e fare un po’ di festa tutti assieme. Il contributo per l’evento (documentario, concerto e cena) sarà di 20 euro e vi chiediamo come sempre la gentilezza di prenotare al 3470611416 oppure mandando una mail a info.artecipiemont@gmail.com Vi aspettiamo, eh!!!