Bondi cerea a tuti. E alora… finalment i tornoma a ca! Dòp ëd n’ani dificoltos për mila e mila motiv, stavira i tacoma torna e i speroma pròpi ‘d podèj torné a cola cadensa ch’i l’oma portà anans për tanti ani. Saba 17 d’otóber, a ses ore, a sarà na festa gròssa taché torna con n’amis che già an tante ocasion i l’oma avù ‘l piasì d’ospité an nòste presentassion. Tutun, stavira i lo dëscovriroma ‘nt na manera neuva: cola dlë scritor. Ricky Avataneo a presenterà “Il re dei granchi” ch’a l’é ‘n lìber dedicà a na figura mitica për ij turinèis d’antan e nen mach: cola ‘d Buffalo Bill. A sarà donca n’ocasion fiamenga për torné a ‘rvive l’atmosfera dla Turin dël prinsipi dël neuvsent, con le parola e la musica ‘d nòst torototela. Naturalment, dòp ëd la presentassion, i saroma tuti a fé balé le mangiòire con la fiamenga cusin-a ‘d Giovanni e dj’amis ëd la S.o.m.s. Coma sempe ‘l cost a sarà ‘d vint euro e coma sempe iv ciamoma la gentilëssa ‘d prenoté bele mach con un messagi Whatsapp al 347 061 1416, an mandand na mail a info.artecipiemont@gmail.com o an ëscrivend vàire ch’i seve con un messagi sota l’event an sla pagina Facebook dl’associassion o sota col ëd la pagina Instagram ëd Paulin Siròt. Mai coma stavira, i vë spetoma, eh!

Buongiorno a tutti. E allora… finalmente torniamo a casa! Dopo un anno difficilissimo per mille e mille motivi, stavolta ricominciamo e speriamo proprio di poter tornare a quella cadenza che abbiamo portato avanti per tanti anni. Sabato 17 ottobre, alle 18, sarà una grossa festa ricominciare con un amico che più volte abbiamo il piacere di ospitare nelle nostre presentazioni. Tuttavia stavolta lo scopriremo in una veste nuova: quella dello scrittore. Ricky Avataneo presenterà “Il re dei granchi” che è un libro dedicato a una figura mitica per i torinesi d’antan e non solo: quella di Buffalo Bill. Sarà dunque una splendida occasione per tornare a rivivere l’atmosfera della Torino del ‘900 con le parole e la musica del nostro cantastorie. Naturalmente dopo la presentazione, tutti con le gambe sotto il tavolo per gustare la cucina di Giovanni e degli amici della S.o.m.s. Come sempre il costo di presentazione più cena sarà di 20 euro e come sempre vi chiediamo la gentilezza di prenotare anche solo con un messaggio Whatsapp al 3470611416, mandando una mail a info.artecipiemont@gmail.com o scrivendo sotto l’evento sulla pagina Facebook dell’associazione o sotto quello sulla pagina Instagram di Paulin Siròt quanti siete. Mai come stavolta possiamo dire… I vë spetoma, eh!