19 ëd novémber – Piemont an mùsica – Il Piemonte contemporaneo in concerto

E finalment i-i soma! Com’i l’avìa anunsià quaich temp andarera e com’a l’ha già savù chi ch’a l’era present saba 21 d’otóber a la presentassion con Marco Piano, Stefano Nadalini, Loredana Cella e Ricky Avataneo, Arte Ci Pare a l’ha ‘l piasì e, i podoma bin dì con na frisa d’orgheuj, l’onor d’anunsié n’event dabon (DABON!!!) galup për tuti j’apassionà ‘d nòsta lenga ‘d nòsta mùsica.

Duminica 19 ëd novémber a quatr’ore dël dòpmesdì, al Centro Incontri – ex Foro Boario ch’as treuva an Piazza 1275, 7/A a San Damian d’Ast, as tenrà n’ocasion strasordinaria për tasté ‘n bel assagi ‘d cola ch’a l’é la mùsica piemontèisa d’ancheuj. A s’alterneran an sël palch Ij Gasepio, Isa, Ricky Avataneo, j’AlUachi, Ij Pianà Ensemble, Ij Parlapà e ij Farinei dla Brigna. Ël concert a sarà ‘dcò n’anteprima d’un proget motobin ambissios, sempe ‘nt ël contest ëd la mùsica piemontèisa contemporanea che Arte Ci Pare a l’ha intension ëd porté a compiment arlongh ël 2024.

L’ingress a sarà conteingentà ai pòst disponibij an sala e a l’avrà ‘n cost ëd 15 euro. Iv ciamoma gentilment ëd prenoté al 3470611416 opurment an mandand na mail a info.artecipiemont@gmail.com.

Mai com’an cos cas i podoma bin dì: I VË SPETOMA, EH!

Ed eccoci qui finalmente. Come annunciato qualche tempo fa e come ha già saputo chi sabato 21 ottobre ha partecipato alla presentazione con Marco Piano, Stefano Nadalini, Loredana Cella e Ricky Avataneo, Arte Ci Pare ha il piacere e, possiamo ben dirlo con un pizzico d’orgoglio, l’onore di annunciare un evento davvero (DAVVERO!!!) ghiotto per tutti gli appassionati della nostra lingua e della nostra musica.
Domenica 19 novembre difatti, alle ore 16, presso il Centro Incontri – ex Foro Boario sito in Piazza 1275 7/A in quel di San Damiano d’Asti, si terrà un’occasione straordinaria per gustare un bell’assaggio di quella che è la musica piemontese di oggi. Si alterneranno sul palco difatti Ij Gasepio, Isa, Ricky Avataneo, AlUachi, Pianà Ensemble, Parlapà e Farinei dla Brigna. Il concerto sarà anche un’anteprima di un progetto parecchio ambizioso, sempre nell’ambito della musica piemontese contemporanea, che Arte Ci Pare ha in cantiere di portare a compimento nel 2024.
L’ingresso sarà contingentato ai posti disponibili in sala e avrà un costo di 15 euro. Si richiede cortesemente di prenotare al 3470611416 oppure inviando una mail a info.artecipiemont@gmail.com
Mai come in questo caso possiamo ben dire I VË SPETOMA, EH!